Drug ring leader, arestado

NASUKOL na ang iti­nuturong drug ring leader, gayundin ang isa sa kanyang mga miyembro sa buy-bust operation sa Quezon City, ka­makalawa ng gabi.

Ayon kay QCPD Direc­tor Chief Supt. Joselito Es­quivel, Jr., kinilala ang mga suspek na sina Sonny Boy Regajal alyas Sonny, 39, umano’y pinuno ng Regajal Drug Group at Rebec­ca Offi­ciar alyas Bhe, 29, mi­yembro ng nasabing sin­dikato.

Isinagawa ng pulisya ang operasyon sa Bgy. E. Rodri­guez, Cubao alas-8:00 ng gabi. Aabot sa 28 sachets ng hinihinalang shabu ang na­samsam mula sa dalawang suspek.

Si Regajal ay kabilang sa target list ng Philippine Drug Enforcement Agency (PDEA) at may kinahaharap na ka­song arson sa Lawa-an, Eastern Samar.

Napalaya si Regajal noong Enero 2018 at pinasok uma­no ang operasyon ng ili­gal na droga. Si Officiar ay nadakip na rin noong Oktubre 2017 dahil sa pag-iingat ng iligal na droga at napalaya noong Setyembre 2018.