Nanlabang pusher tepok

BATANGAS—Isang drug pusher ang napatay nang manlaban at makipagbarilan sa pulisya na nagsagawa ng buy-bust operation, kamakalawa sa bayan ng Malvar sa lalalawigang ito.

Kinilala ang suspek sa alyas Dan, walang tiyak na tirahan.

Ayon sa ulat, nahalata ni “Dan” na mga pulis ang katransaksiyon nito sa drug deal kaya pinagbabaril nito ang mga awtoridad.

Agad namang gumanti ng putok ang pulisya na nagresulta para mapatay ang suspek.