DAVAO AT MUNTINLUPA, MABANGIS, MATIBAY ANG KARTADA SA MPBL
IBINALIBAG ng Davao Occidental Tigers at Muntinlupa Cagers ang kani-kanilang mga karibal noong Huwebes upang makapuwesto sa rank 1-2 ng South Division ng Maharlika Pilipinas Basketball League Datu Crup sa Muntinlupa Sports Complex.
Maagang ipinakita ng Tigers ang bangis at hindi na hinahayaan ang Rizal Crusaders na makaporma para sa panalo sa 84-74 habang ang double digits ng Cagers mula sa 5 players ang tumigpas sa Bulacan Kuyas, 86-66. Nanguna ang Tigers sa 11 sa bawat unang tatlong quarters sapat para iposte ang ika-19 na panalo kontra sa apat na talo at pinatibay pa ang pagkapit sa top spot. Bagamat umaarangkada ang Crusaders, ang Cagers ay lumalayo na sa 31 puntos, 72-41 at umibayo na sa 14-9 na panalo at talo na record at inilagay ang Batangas City Athletics (14-10) sa second spot.
Sa kabuuan, nakasalo ng Tigers sa second spot ng North Division ang powerhouses na Manila Stars at Makati Super Crunch at solo leader ang Basilan Rises na may ipinagmamalaking 21-2 record. Muling nagpamalas ng tibay si Mark Yee sa Cocolife-Tigers sa bisa ng opensang 23 puntos at 8 rebounds kasunod ni Emmanuel Cao na may 13 puntos sa loob ng 13 minuto at 8 segundo ng laro.
Sa naturang panalo may 80-62 muna sa huling minuto, lumakas pa ang depensa ng Tigers, hinayaan ang Xentro Mall Crusaders na lumaban bago bumagsak ang kartada sa 7-17. Wala na sa playoffs ang Crusaders na may 10 puntos mula kay Eric Dela Cruesta at Jerome Juanico. Sumadsad naman ang Kuyas sa 13-11 win-loss record. Ang top 8 teams sa bawat dibisyon matapos ang 25-game round robin eliminations ay aabanse sa playoffs ng liga. (MC)
Comments