Cobra, dragon at maruming ilog

Socrates Magnus

Salaminin natin ang panaginip ni Elma ng El­ma_Gaviola@facebook. com

Dear Professor,

Gusto kong itanong kung ano ang ibig sabihin ng panaginip ko?

Nandu’n ako sa si­rang bahay sa may bukid, ako lang mag-isa, kaya hina­nap ko ang mga kasama ko, may nakita akong cobra na lumalapit sa akin.

Tapos, pagdating ko sa unahan, mayroon na­mang dragon na nakati­ngin sa akin, tumakbo ako nang tumakbo hang­gang sa ma­karating ako sa ilog, pero hinahabol pa rin nila ako.

Napilitan akong luma­ngoy kahit marumi ang tu­big dahil may halo itong putik.

Naisipan kong sumi­sid, kaya lang nang uma­hon ako sa ilog ay may­roon na­mang bu­waya na gustung-gusto akong kai­nin, tu­makbo na naman ako hanggang sa umak­yat ako sa bun­dok.

Nu’ng una, madali lang, pero nu’ng nasa gitna na ako ay biglang dumilim at wala na akong makita sa daan.

Hanggang ngayon ay naguguluhan ako kung ano ang ibig sabihin ng napanaginipan ko?

Naghihintay,

Elma

Sa iyo Elma,

Ang sirang bahay sa bukid ay inilalarawan ng iyong nakaraan kung ka­ilan sobrang hirap ng iyong na­ging buhay.

Alam mo, iha, napa­kahirap talagang maging mahirap. Ano ang ibig sa­bihin ng napakahirap ng buhay ng mahirap?

Ang mahirap ay pinag­sasamantalahan, nilalama­ngan, ibinababa at kinaka­wawa. Kaya mahirap ka­pag ito ang iyong marara­na­san. Gayunman, ipina­aalala sa iyo ang katoto­hanang ito ng iyong pana­ginip, kaya hin­di puwede na muli kang mabuhay sa ka­hirapan.

Ang cobra ay simbolo ng mga lalaking mahilig ma­kipagtalik na ang pang­karaniwang gustong bikti­mahin ay ang mahihina at madaling makuha.

Ang dragon naman ay simbolo ng mayaman na gahaman. Ito ay bumibik­tima rin sa mahihina na ga­gamitin nila sa kanilang am­bisyong mas lalo pang yu­maman.

Ang buwaya ay ang mga may ranggo at may ha­wak ng matataas na po­sis­yon na walang kabusu­gan sa kayamanan.

Napansin mo ba, iha, ang mga nasa itaas ay mga “powerful”? Ito ay dahil may katotohanan sa mga salitang “sex is power”. Sa madaling salita, malakas ang libido ng mga taong suc­­cess­ful.

Sabi ng panaginip mo, mag-ingat ka sa kanila at magsikap ka sa sarili mo nang sa gayun ay hindi ka mapabilang sa hanay ng mga nakararanas ng ka­hira­pan dahil muli, kung sino ang mahirap, sila pa ang mas lalong pinagsa­saman­tala­han.

Hanggang sa muli,

Professor Seigusmundo del Mundo