Malinaw ayon sa birthday... SINGLE MOM NA NAKATAKDANG LUMIGAYA SA KASALUKUYANG MANLILIGAW

Maestro Honorio Ong

Dear Maestro,

May ka-live-in ako dati, kaya lang nagkahiwalay kami, pero ngayon ay na­kikipagbalikan siya.

Ngunit, ayaw ko na sa kanya dahil ngayon ay may masugid akong manli­li­gaw at balak ko na siyang sagutin.

Kaya lang, natatakot ako dahil sobrang kulit ng ex ko. Sa totoo lang, nu’ng kami pa, nananakit siya at nambubugbog, lalo na ka­pag nakainom at nalala­sing.

‘Yung manliligaw ko naman na gusto ko ng ma­kasama ay biyudo na isi­nilang noong November 7, 1966 at botong-boto sa kanya ang mga anak ko dahil matagal na namin siyang kakilala at mabait talaga siya sa mga bata.

Sa palagay ninyo, Ma­estro, sino sa dalawang la­laking ito ang ka-com­pa­tible at makakasama ko, habambuhay?

December 3, 1973 ang birthday ng dating ka-live-in ko na gustong makipag­balikan at July 2, 1974 naman ang birthday ko.

Umaasa,

Maricris ng San Agustin, Candaba, Pampanga

Dear Maricris,

Ayon sa birth date mong 2 at zodiac sign na Cancer, tunay ngang higit mong ka-compatible ang kasalukuyan mong manliligaw na isini­lang noong November 7, 1966 na may zodiac sign na Scorpio kaysa sa dating ka-live-in mo na may zodiac sign na Sagittarius.

Nangyari ito sapagkat higit na tugma ang pagsasa­ma ng Scorpio at Cancer na may iisang elementong tina­taglay - ang elementong wa­ter o tu­big kaysa sa Cancer at Sagit­tarius.

Ibig sabihin, Maricris, kung boto naman ang iyong mga anak sa kasalukuyan mong manliligaw at nag­kataong mahal mo rin naman siya at ang maganda pa nga nito ay compatible kayo sa Numerolo-Astrology na pag-aanalisa dahil ang birth date mo ngang 2 ay sadyang compatible sa birth date na 7 ng lalaking biyudo na iyong manliligaw, ito ay nagpapa­tunay lamang na kung siya ang sasamahan mo kaysa sa dating live-in partner mong nambubugbog kapag nala­lasing, tiyak ang magaganap, ngayon pa lang ay sinisiguro na ng iyong kapalaran na sa piling ng lalaking Scorpio ay makasusumpong ka na nang maayos na pag-aasawa hang­gang ang nasabing pagsasama ay humantong sa maligaya at panghabam­buhay na pag-papamilya.