Matapos magsimba | MAG-ASAWA NIRATRAT NG RIDING-IN-TANDEM

ISANG mag-asawang negosyante ang pinagbabaril ng hindi pa matukoy na salarin habang nasa compound ng isang Simbahan sa Bacolod City.

Dead-on-the-spot sanhi ng tatlong tama ng bala sa ulo at katawan ang 57-anyos na si Alex Yao habang patuloy na ginagamot sa ospital ang kanyang maybahay na si Maria Theresa, 56, na tinamaan ng bala sa kaliwang braso.

Ayon kay Inspector Florentino Abalayan, nangyari ang krimen sa loob mismo ng compound ng Redemptions’ Church sa B.S Aquino Drive sa Bgy. Singko.

Sinasabing katatapos lamang magsimba ng mag-asawa at nasa loob na ng kanilang sasakyan nang dumating ang gunman sakay ng motorsiklo na minamaneho ng isa pa saka sila pinagbabaril.

Isa sa mga tinitingnan ng mga imbestigador na dahilan sa krimen ay away sa lupa.