Inday Sara, busy sa pag-eendorso, nangangamoy 2022 Elections

APRUB na ang Sim card forever.

‘Yan ay kung hindi mananakaw ng isnatser!

◘◘◘

NAMATAAN ang isang bagyo.

Akala ko ba, El Niño?

◘◘◘

NAUUSO na naman ang sunog.

Next week kasi, Marso na!

◘◘◘

BINANTAAN ni U.S. President Donald Trump ang puwersang militar ng Venezuela.

Akala niya, siya ang hari ng mundo!

◘◘◘

IBINISTO na ng Iran ang submarine na may kakayahang magpakawala ng cruise missiles.

Handa na sila sa giyera!

◘◘◘

IBABAWAL na ang Huawei sa U.S.

Maaari raw kasi itong makapang-espiya!

◘◘◘

AYON sa Beijing, hindi maaaring umunlad ang daigdig nang wala ang Huawei.

Ano yan, lovers’ quarrel?

◘◘◘

MALABO pang magharap sina “Manny” Pacquiao at Floyd Mayweather, Jr.

May pumapatol pa rin kasi sa kanila na milyun-milyong dolyares ang premyo!

◘◘◘

MARAMI nang kandidato ang tuliro.

Pero, hindi nila malaman ang gagawing diskarte!

◘◘◘

ABALA si Mayor Sara sa pag-endorso sa mga senador sa iba’t ibang lalawigan.

Nagsimula na ang 2022 Presidential Elections!

◘◘◘

BINUHAY na ang Department of Human Settlements.

Mabuhay si Madame Meldy!

◘◘◘

IPINAKITA sa Facebook ang litrato kung saan ibinakod sa kasilyas ang tarpaulin ni “Bong” Go.

At least, hindi lang siya malapit sa puso ng botante, malapit din siya sa “wetpaks”!

. .