Utos ng FDA | DENGVAXIA, BAWAL

BAWAL nang mag-ang­kat, magbenta at mamahagi ng kontrobersiyal na anti-dengue vaccine na Dengvaxia sa bansa.

Ito ay matapos tulu­yang bawiin ng Food and Drugs Administration (FDA) ang certificate of product re­gistration (CPR) ng Deng­vaxia.

Ayon kay FDA Director General Nela Charade, ang ka­nilang aksiyon ay dahil sa patuloy na pagkabigo ng ma­nufacturer ng Dengvaxia, ang French pharmaceutical giant na Sanofi Pasteur, na mag­sumite ng ‘post-approval commitment documents’ sa FDA.

Ito ay isa umanong pag­balewala sa kanilang mga ipina­tutupad na panuntunan at regulasyon. Naging kontrobersiyal ang Dengvaxia matapos aminin ng Sanofi na maa­aring dapuan ng mas ma­lalang den­gue ang mga taong binakunahan na ngunit, hindi pa tinatamaan ng sakit.

Agad namang sinuspin­de ng Department of Health (DOH) ang isinasagawa ni­tong mass Dengvaxia immu­nization sa mga paaralan sa bansa, lalo na nang mapaulat na dumarami ang mga ba­tang nabakunahan ang na­mamatay.

Nilinaw naman ng DOH na wala pang malinaw na kati­bayan na ang Dengvaxia nga ang naging dahilan ng pag­kama­tay ng mga naba­kunahan nito.

Maging ang ibang ba­kuna naman ay naapektuhan umano ng Dengvaxia scare kaya dumami ang mga ma­gulang na ayaw magpaba­kuna ng kanilang mga anak, na malaunan ay nauwi sa measles outbreak ngayon sa ilang lugar sa bansa.