TATLONG TRES NI CAIDIC, WAGI SA LEGENDS RETURN

SA bakbakan ng Grand Slam teams, pinatunayan ng San Miguel Beer ang husay nila sa hardcourt kontra longtime rival na Alaska. Lumayo nang husto ang iskor ng Beer­men hanggang fourth quarter noong Linggo ng gabi para magwagi sa 96-83 kontra Milkmen sa idina­os na PBA Legends Return of the Rivals game sa Big Dome.

Sa kabila nang nahira­pan pa sa first half, nakaba­nat si Allan Caidic sa second quarter, dumagdag pa ng iskor na dalawang tres sa huling baha­gi nang ungusan ng San Mi­guel ang Alaska. Nagbigay ang tinaguriang Triggerman ng siyam na pun­tos na kala­mangan para sa Beermen.

Sa kabila nang mga mintis niyang tira sa mga sumunod na tangka, umi­nit ang palad ni Caidic sa gitna ng laro at nakabasket ng tres bago ang break at ibigay sa San Mi­guel ang 91-79 advantage. Si Triggerman ay nagsilbing leading scorer sa 26 points, 21 sa second half at sa kabuuan ay may anim na triple.