Napanaginipan ang tatay na matagal ng patay

Socrates Magnus

Salaminin natin ang panaginip ni Chiles ng Chiles_Chavez@face book. com

Dear Professor,

Gusto kong itanong kung ano ang nais ipahi­watig ng panaginip ko?

Matagal ng patay ang tatay ko at sa aking pa­naginip ay nasa Simba­han daw kami ng Bacla­ran at nandu’n ‘yung ataul niya at minimisa­han dahil ililibing na siya.

Ano ang ibig sabi­hin nito?

Salamat!

Naghihintay,

Chiles

Sa iyo Chiles,

Alam mo, iha, hindi lang ang mga buhay ang naghihirap dahil sa pana­ginip, makikitang ang mga patay o kaluluwa ng patay ay naghihirap din. Ito ang natatagong katotohanan sa iyong panaginip.

Pero, ‘di ba, sa patay ang sinasabi natin ay “Rest in Peace”, kaya inaasahan na nasa payapa na sila, kumbaga, dahil nasa langit sila, masaya na sila na ka­piling ang Dakilang Man­lilikha?

Kaya lang, iha, sa Sag­radong Aklat ay may na­kasulat na nagsasabing, “may isang kaluluwa na nakikiusap kay Amang Abraham na siya ay ma­kabalik sa lupa dahil ang gusto niya ay makausap ang kanyang mga mahal sa buhay.”

Kinukulit niya si Ab­raham dahil hindi siya ma­tahimik. Kaya ang mga na­pananaginipan ay base mismo sa mga nangyayari sa kasalukuyan kung saan naroroon ang mga kalu­luwa ng namatay. Pero, bakit kaya ganu’n na lang ang pangungulit niya? Ba­kit hindi siya matahimik?

Ayon sa mismong na­kasulat, ang gusto ng kalu­luwa niya ay sabihin sa mga mahal niya sa buhay na mabuhay sila sa kaba­itan, kabanalan at tamang landas. ‘Yun nga lang, hin­di pumayag si Abraham at sinabi niya, “nasa lupa ang kautusan”! Ibig sabi­hin, dapat sundin ng tao ang mga batas ng Diyos.

Ito rin ang mensahe ng iyong panaginip, kum­baga, gusto ng tatay mo na maging mabuti kayo, lu­mayo sa masama at hu­wag magkasala dahil ka­hit na nasa kabilang buhay na siya ay mahal na mahal niya kayo.

Kaya ang pahabol na mensahe ng panaginip mo ay ang magsikap kayo nang sa gayun ay gumanda ang buhay ninyo dahil hindi matatahimik ang ta­tay ninyo kapag may naki­kita siyang mahal sa buhay na naliligaw ng landas.

Matutupad lang ang salitang “Rest in Peace” sa kaluluwa ng iyong tatay kung magiging maayos ang inyong buhay.

Hanggang sa muli,

Professor Seigusmundo del Mundo