Lola dedbol sa sunog

ISABELA—Isang 71-anyos na lola ang namatay nang masunog ang kanilang bahay, kamakalawa sa Bgy. Dammang East, Echague sa lalawigang ito.

Ang biktima ay nakilalang si Virginia Matterig, residente sa nabanggit na barangay.

Ayon sa ulat, bigla umanong sumiklab ang apoy sa bahay ng pamilyang Matterig at dahil sa katandaan ay hindi na nagawang makalabas ng bahay ang biktima kaya ito nasunog at namatay sa nasabing insidente.

Patuloy ang imbestigasyon ng mga awtoridad upang mabatid ang sanhi ng sunog sa bahay ng biktima.