NU AT ATENEO, ABANGERS SA BEST OF 3 FINAL SERIES NG UAAP JUNIORS

MAGSISIMULA na ang muling tapatan sa kam­peonato ng UAAP Season 81 juniors basketball tourna­ment sa pagitan ng National University at Ateneo de Mani­la ngayong hapon sa Filoil Flying V Centre sa San Juan.

Ganap na alas-3:00 ngayong hapon ang Game One ng best-of-3 finals series ng dalawang koponan.

Umusad sa ikawalong sunod na taon sa Finals, pagsisika­pan ng Bullpups na maibalik ang koronang huli nilang nahawakan noong Season 78. Mangunguna para sa naturang misyon ng NU sina Terrence Fortea, Gerry Aba­diano, Cyril Gonzales, Carl Tamayo at Kevin Quiam­bao. “We do our best every day. Regardless kung ano mangyayari, we give our best lang,” pahayag ni NU coach Goldwin Montever­de.

Sasandig namang muli ang defending champion Ateneo na bigong manalo sa NU noong eliminations sa liderato ng kanilang higanteng sentro na si Kai Sotto.

“Kailangan naming paghandaan talaga nang mabuti ‘yung NU kasi di sila magiging 13-1 nang pat­samba-tsamba lang,” ayon sa 7-foot-1 na si Sotto. “Kailangan din naming maging ready kasi alam naming ibibigay talaga ng NU ‘yung lahat.” Maliban kay Sotto, aasahan din ni coach Reggie Varilla sina ace guard Forthsky Padrigao at isa pang sentro na si Geo Chiu. (VA)