Ilang kandidato pinag-iisipang sumunod kay Roque, atrasan na!

KA AMBO / BISTADO

MAY ilang kandidato na ang nag-iisip na mag-withdraw.

Kumbaga, susun­dan nila si Atty. Harry Roque.

◘◘◘

SA totoo lang, na­pakahirap kumandidato.

Lalamunin ka kasi ng excitement, stress at pressure.

◘◘◘

BINIBIGYAN-DIIN natin na “hindi dapat nagdedesisyon” ang kandidato.

Dapat ay ipaubaya ang desisyon sa “core group”.

◘◘◘

PERO kailangang piliing mabuti ang loob ng core group dahil sila ang magiging “alter-ego” ng kandidato sa panahon ng kampanya.

Mame-mental block ang kandidato sa tindi ng stress.

Ang magdedesis­yon dapat ay ang core group dahil tiyak na pinag-isipan nilang mabuti ang diskarte.

◘◘◘

SA aktuwal, hindi gaanong nakakapag-isip ang kandidato dahil lalamunin siya ng matinding emosyon.

Kung sinong kan­didato ang may pinaka­mahusay na core group, siya ang magwawagi.

◘◘◘

KAPAG bumuo ng core group, dapat ay ibigay dito ang buong tiwala ng kandidato.

Kapag hindi pag­ka­katiwalaan ng kandidato ang kanyang core group, balewala ito.

At malamang na matalo sa laban o dumaan sa butas ng karayom ang kam­panya.

◘◘◘

ANG resulta ng survey ay hindi nanga­ngahulugang siya ang resulta ng botohan.

Ang resulta ng opi­nion survey ay kong­kretong batayan la­mang ng estratehiya na ipatutupad ng core group.

◘◘◘

HINDI dapat “biased” ang opinion survey na isinasagawa, dapat ay confidential at inde­pendent. Hindi nakatu­tuwa na nagwawagi ang kandidato sa “resulta” ng survey sa bungad ng kampanya sapagkat ang “peak” ay masyadong mapapaaga.

Ano ang kasunod ng “peak”? Opo, pag­bagsak ang kasunod nito o pagbaba ng iskor o resulta.

◘◘◘

Makaaapekto kasi ang “pressure at stress” sa kandidato.

Ang kanyang “sa­rili” ang kalaban ng kandidato “during peak” sa survey.

◘◘◘

SA aktuwal, dudu­mugin ng botante at iba pang tao ang no.1 kandidato sa panahon ng peak.

Maging ang kan­yang mga “tropa o core group” ay mag-iinggitan, magsisi­raan at magsisipsi­pan kung saan masisi­ra o mag-aaway-away ang campaign team.

◘◘◘

SA survey, dapat ay nasa no.2 o no.3 spot lang ang kandidato sa panahon ng kampanya, pero dapat siyang umangat ilang araw bago ang aktuwal na halalan.

Tinitimpla-timpla ang kampanya, hindi rin puwede ang bara-bara o walang direk­siyong diskarte.