Dalagita sex slave ng stepdad

MALUHA-LUHANG isinalaysay ng dalagita ang sinapit na panggagahasa ng kanyang amain na nangyari sa Sariaya, Quezon.

Ayon sa biktimang itinago sa pangalang ‘Joy’, pasado alas-4:00 ng madaling-araw, kinaladkad siya ng suspek na si alyas Fred at ipinasok sa loob ng silid.

Agad siyang niyakap at pinaghahalikan saka hinalay.

Dagdag pa ng biktima, ilang beses na siyang ginagawan ng makamundong pagnanasa ng amain dahil sa takot at banta sa kanya nito.

Lakas-loob nitong ipinagtapat sa kanyang lola ang kanyang sinapit hanggang sa tuluyang maaresto ang suspek.