Kulay puti at pink na ahas

Socrates Magnus

Salaminin natin ang panaginip ni Rolly ng Rolly_Villaruz@face-book.com

Dear Professor,

Nanaginip ako na pag-uwi ng asawa ko sa bahay namin ay naka­kita siya ng maraming ahas na kulay puti sa aming pintuan at bin­tana.

Mga ilang araw, to­toong nagkaroon ng ahas sa bahay namin, pero maliliit pa sila at pinatay ito ng mga ka­pitbahay namin at nang maubos sila ay nana­ginip ulit ang asawa ko ng ahas na kulay pink at mga ilang araw ay may lumabas na ahas na ku­lay pink sa likod ng ba­hay namin at napatay din ito ng aming mga ka­pitbahay.

Ano ang ibig sabihin nito?

Naghihintay,

Rolly

Sa iyo Rolly,

Ayon sa kuwento mo, tuwing mananaginip ang asawa mo ng ahas ay nag­kakatotoo ito.

Bihira lang sa pana­hon ngayon ang maka­kita ng puti at pink na ahas, pero, ano ang kato­tohanan sa likod ng in­yong naging ka­ranasan?

Ang asawa mo, mahi­rap nga lang paniwalaan ay masasabing “diyosa ng mga ahas” dahil ang mga ahas ay may dala-da­lang suwerte, ngunit, mas mahirap paniwa­laan na ang asawa mo ay may kakambal na ahas noong siya ay isinilang.

Pinaniniwalaang ang mga taong may kakambal na ahas ay may kapang­yarihan na manggamot at sila ay tinatawag na “ta­wak”.

Samantala, bihira lang din sa tao ang magkaroon ng kakambal na ahas da­hil hindi ito pangka­rani­wan. Ibig sabihin, ang asa­wa mo ay may special powers na nagsasabing kaya niyang bigyan ng su­werte ang mga taong minamalas.

Samantala, ang ta­nong, ito kaya ay mag­ka­katotoo? Subukan mo da­hil wala namang ma­wa­wala sa inyo kung su­su­bukan ninyo ito.

Sa mga panahong akala ninyo ay minamalas kayo, ang asawa mo ay ma­nanaginip na tumama kayo sa lotto. Ano ang ga­gawin mo? Eh, di tu­maya kayo sa lotto. Madali lang, ‘di ba?

Baka itanong mo kung ano ang mga nume­rong tatayaan ninyo? Ang sagot ay ganito, kapag ang tao ay susuwertehin, hindi na importante kung anong mga numero ang dapat niyang tayaan.

Ito ang katotohanan sa likod ng iyong kara­na­san na may kaugnayan sa panaginip ng asawa mo.

Hanggang sa muli,

Professor Seigusmundo del Mundo