Nagwawala, ayaw paawat | LALAKI GINULPI, KINATAY NG 2 UTOL
- Paul Lamsen
- Feb 15, 2019
- 1 min read
NASAWI habang ginagamot sa ospital ang isang lalaki makaraang pagtulungang bugbugin ng kanyang dalawang kapatid sa Vigan, Ilocos Sur.
Kinilala ang nasawi na si Excel Lara, 39, may asawa, habang ang mga suspek ay sina Aurelio at Aurora, kapwa nasa hustong edad at nakakulong na.
Ayon sa imbestigasyon, bandang gabi nang dumating na lasing ang biktima at nag-aamok sa kanilang bahay na dahilan para hatawin ng kahoy ng kapatid na si Aurora.
Tumulong din umano si Aurelio at pinagsasaksak naman ang biktima.
Naitakbo pa sa pagamutan ang biktima ngunit, hindi na ito umabot ng buhay.
Comments