Matigas daw ang ulo, 5-anyos pinatay sa sakal | KILLER YAYA

DEDO ang 5-anyos na babae makara­ang sakalin at talian pa sa leeg ng kasam­bahay, Miyerkules ng hapon, sa General Santos City.

Arestado ang suspek na Anselma Yangon, 18, mata­pos sakalin at mapatay ang panganay na anak ng kan­yang mga amo na kapwa pu­lis, na aniya’y matigas uma­no ang ulo.

Ayon naman sa mga pu­lis, pinalabas pa ng kasam­bahay na nagpatiwakal ang bata.

“Allegedly, itong katu­long, pumasok na lang sa play­room at nakita na lang ang bata na nakatayo at may tali sa leeg. Dinala sa ospital pero, dead-on-ar­­rival,” ayon sa isang pana­yam kay Chief Insp. Ana­nais Vasquez.

Ayon pa sa pamilya, ti­nangka ring patayin ng ka­sambahay ang isa pang alaga na 3-taong gulang dahil sa natagpuang mga tali sa loob ng bahay saka umano ito mag­papatiwakal.

Sinasabing naging aburido ang yaya matapos mag-away sila ng kanyang boy­friend.

Mariin naman itong iti­nanggi ng kasambahay at hu­mingi ng paumanhin sa kan­yang mga amo.

Samantala, dalawang taon nang kasambahay si Ya­ngon sa pamilya. (BRT)