Kelot pumalag sa warrant, todas

UTAS sa pulis ang isang wanted habang sugatan din ang kasamahang pulis matapos manlaban sa Bgy. Anoling, Gen. Nakar, Quezon.

Batay sa imbestigasyon, ala-1:30 ng hapon sa pamamagitan ng pinagsanib-puwersa ng dalawang himpilan ng pulisya, tinungo nila ang pinagtataguan ng akusadong si Jeffrey Astrera, 30.

Bitbit nila ang warrant of arrest kaugnay sa kasong 3 counts of robbery at violence against women and children.

Papasok pa lamang umano ang tropa ng pulisya nang magpaputok ang akusado kung saan tinamaan sa binti si PO3 Gerry Moises.

Nagkaroon pa ng habulan hanggang sa mauwi sa engkuwentro ang pag-aresto saka tinamaan ang suspek sa iba’t ibang bahagi ng katawan.

Dinala naman ang sugatang pulis sa pagamutan habang dead-on-the-spot ang akusado.