Iniwan ng misis bago mag-Valentine‘s Day | NANAY TINAGA, TATAY SINUNOG NG ANAK

TODAS ang isang ama nang pagtata­gain saka sunu­gin ng kanyang anak sa Sal­vador Benedicto, Negros Occidental.

Nabatid mula sa Negros Occidental Provincial Police Office, natutulog ang bikti­mang itinago ng mga awto­ridad sa alyas Jake, 64, ka­sama ang asawa nito nang pasukin ang kanilang bahay sa Bgy. Igmaya-an ng 40-anyos na suspek na si ‘Jess’.

Kinaladkad at hinila pa umano ng suspek ang bang­kay ng ama palabas ng ba­hay saka sinunog.

Bagama’t, tinangka ng ina ng suspek na pigilan ang gi­nagawa ng anak, tinaga rin siya nito kaya napilitang tu­makas.

Naka-confine na sa ospi­tal sa Bacolod City ang gi­nang.

Lumalabas sa paunang imbestigasyon na may prob­lema sa pag-iisip ang suspek matapos abandonahin ng kanyang misis noong nakara­ang linggo.

Patuloy nang tinutugis ng pulisya ang suspek ha­bang sinisiyasat na rin ang iba pang posibleng motibo sa krimen.