Tserman niratrat sa bgy. hall, todas

ISANG kapitan ng barangay ang pinagbabaril ng riding-in-tandem habang nakatayo sa harapan ng barangay hall sa panulukan ng Hermosa at Pilar Sts. sa Tondo, Manila.

Dead-on-arrival sa Ospital ng Tondo ang biktimang si Marcelino Ortega, 42, chairman ng Bgy. 199 Zone 18, sanhi ng tama ng bala sa ulo at dibdib.

Batay sa imbestigasyon ni SPO2 Joseph Kabigting, alas-2:58 ng hapon nang mangyari ang insidente sa nabanggit na lugar.

Una rito, nasa harap umano ng barangay hall ang biktima nang dumating ang riding-in-tandem at agad na binaril ang biktima.

Patuloy na ang imbestigasyon sa insidente.