TABLE TENNIS, BILLIARDS, AT QCBL, TAMPOK SA TOPS

TATLONG larangan ng sports ang sentro ng talakayan sa 10th ‘Usa­pang Sports’ ng Tabloid Organization in Philip­pine Sports (TOPS) sa Huwe­bes, Pebrero 14 sa National Press Club sa Intramuros, Manila.

Ilalahad ng Table Ten­nis Association for Natio­nal Development (TA­TAND), sa pangunguna ni honorary president Char­­lie Lim ang ilalargang 9th Flexible Cup International Table Tennis Champion­ship sa Pebrero 15-17 sa Activity Center ng Har­rizon Plaza sa Manila.

Makakasama ni Lim sa talakayan ng 10:00 a.m. si veteran internationalist John Russel Misal na ina­asahang magbibigay ng naging karanasan sa pag­sabak sa World Cham­pionship of Pingpong ka­makailan sa London kung saan umabot siya sa Round-of-16.

Panauhin din sa linggu­hang talakayan si billiards champion at ngayon ay Mandaluyong City Ba­rangay Malamig Chairman Marlon Manalo.

Bukod sa pagpapalakas ng sports program sa na­sasakupang barangay, aminado si Manalo sa pagnanais na makabalik sa National Team upang ma­kalaro sa 30th South­east Asian Games na ga­ga­napin sa bansa sa Nob­yembre.

Bisita rin sa programa ng pinakabagong media sports organization sa bansa si dating collegiate star BJ Manalo, coach ng Trinity College sa Quezon City Basketball League (QCBL).

Ang TOPS ay binubuo ng mga lehitimong editors, reporters, columnists at photographers ng mga pangunahing tabloid na pahayagan sa bansa, kaakibat ang PTV-4 at ilang broadsheet news­papers.

Inaaanyayahan ang lahat ng miyembro at opis­yal, maging ang pub­liko na dumalo sa pro­grama.