Mga kandidatong mandarambong at pork barrel politician, suportado ni P-Digong

PABLO L. HERNANDEZ III / PRANGKAHAN

MGA KANDIDA­TONG PLUNDERER AT ‘PORK BARREL’ POLITICIAN, SU­PORTADO NI P-DU­TERTE?—Ilan sa mga kandidatong sinusupor­tahan ni P-Duterte ay may mga kasong plunder at ‘pork barrel’ politician.

Pambihira, ang paki­lala ni P-Duterte, anti-corrupt daw siya tapos ang gusto niyang manalo ay mga plunderer at pork barrel politician, pwe!

◘◘◘

KAPAG UMATA­KE NG PAMBABAS­TOS SI P-DUTERTE, TIKLOP SI PIA NA ‘TAGAPAG­TANG­GOL’ DAW NG KA­BABAIHAN—Umpi­sa na ng kampanyahan sa pagka-senador kaya panawagan natin sa publiko, huwag mani­wala sa slogan ng mga kandidato tulad ng slogan ni ex-Sen. Pia Cayetano na siya raw ang tagapagtanggol ng kababa­ihan.

Kung tagapagtanggol ng kababaihan si Pia, dapat binatikos niya ang rape jokes at ‘yung ibi­nida ng pangulo na ‘pambabastos’ umano niya sa kanilang kasam­bahay noong bagets pa siya, pero walang gina­wang aksiyon ang dating senadora at tiklop lang siya kapag namba­bastos ng mga kababa­ihan ang pangulo, period!

◘◘◘

KARAMIHAN SA MGA PARTYLIST, ANG NOMINADO, KAPA­MILYA NG MGA TRAPO —Umpisa na rin ang kampanyahan sa mga partylist.

Maging mapanuri sana ang publiko sa mga partylist na nais nilang suportahan kasi ang ka­ra­mihan sa mga nomi­na­do sa mga partylist ay mula sa pamilya ng mga trapo (traditional politician) na ang hangarin lang ay magka-pork barrel at hindi para magserbisyo sa publiko, period!

◘◘◘

RAKET NG MGA ILIGALISTA, PA­RANG KABUTENG NAGSULPUTAN SA JURISDICTION NI PNP-REGION 3 DIRECTOR CORONEL — Parang kabuteng nagsulputan ang iba’t ibang raket ng mga iligalista sa Central Luzon.

Ang nakapagtataka lang, sa kabila na lan­taran nang niraraket ng mga iligalista ang mga residente ng Bulacan, Pampanga, Tarlac, Bata­an, Nueva Ecija at Zam­bales, eh, si PNP-Region 3 Director C/Supt. Joel “Jigs” Coronel, “nganga” lang, buwisit!