Baka, Dragon, Ahas, Unggoy, Tigre at Baboy... MGA ANIMAL SIGN NA KATUGMA NG MGA IPINANGANAK SA YEAR

Maestro Honorio Ong

ITULOY natin ang pag­talakay sa panguna­hing ka­tangian at sadlakang ka­pa­laran ng ani­mal sign na Rat o Daga ngayong 2019.

Sa negosyo, career at pag-ibig ngayong taon, ma­raming mga biglaan at hindi pinaghandaang pag­lalakbay ang ma­gaganap sa buhay ng Daga na ma­gdaragdag sa kanya ng bagong ideya at ka­alaman. Kasabay ng mga paglalakbay na ito ang mara­ming oportunidad na hanapbu­hay at pagkakakitaan.

Gayunman, ang pagbabago ng career o hanap­buhay ngayong Taon ng Baboy ay hindi naman inirerekomenda sa mga Daga, sa halip, kailangan ninyong mag­hin­tay ng 2020 kung saan ang nasabing pa­nahon ang pinakamaganda upang magbago ka ng career o kaya ay magsimula ng panibagong pagkakakitaan.

Dahil ngayong Taon ng Baboy ay ku­sang aangat ang stock market at magiging masigla ang negosyo at mga pangangalakal at ang isa sa mga makikinabang sa pag-angat ng kabuhayan nga­yong 2019 ay ang Daga kung saan likas silang susuwertehin at mag­kakaroon ng magan­dang kapalaran na may kaugnayan sa in­vest­ment.

Sa pag-ibig at pakikipagrelasyon, sa mga dalaga, binata at single nga­yong Year of the Pig, maaari nin­yong makilala ang inyong soulmate at hindi lang basta makikilala kundi kayo ay magka­karoon ng makabuluhan at romantikong relasyon.

Ngunit, may babala ang kapalaran na kapag ang Daga ay masyadong nagtiwala sa kanyang sarili at yumabang, ang relasyong dapat sana ay mahihinog at maging matamis ang bunga ay maaaring pumakla at mapurnada. Kaya kung ikaw ay magkakaroon ng kare­lasyon ngayong taon, iwasan mong maging ma-pride o mayabang upang ang relasyong iyong mararanasan ay magtatagal at magiging pangha­bam­buhay na.

Samantala, katugma ng Daga ang masipag at ma­sikap na Baka at ang tapat at maangas na Dragon. Bagay din sa kanila ang buo ang loob at positibong Ahas. Matutulad din ang Daga sa masayahin at ma­pagbirong Unggoy. Magiging matagumpay din at maligaya ang pakikipagrelasyon ng Daga sa Tigre, Baboy at kapwa niya Daga.

Hindi naman katugma ng Daga ang makasarili at may pagkaaburi­dong Kabayo, gayun­din, ang maya­bang na Tan­dang. Habang gugulu­hin naman ng Kambing o Tupa ang mga materyal na bagay at mga su­werteng hawak-hawak ng Daga. Da­pat namang ingatan ng Daga ang kanyang kalu­sugan sa first quarter o unang kala­hating buwan ng taon.

Ngayong Year of the Pig, likas namang magiging ma­suwerte ang Daga mula sa ika-5 ng Abril hang­gang sa ika-5 ng Mayo, mula sa ika-1 ng Agosto hanggang sa ika-29 ng Agosto, mula sa ika-16 ng Nobyembre hanggang sa ika-25 ng Disyembre at mula sa ika-26 ng Disyembre hanggang sa ika-24 ng Enero 2020.

Kung ikaw naman ay Daga na isinilang noong 1984, umasa kang higit na mas magiging maganda ang kapalaran mo ngayong 2019 kung ikukumpara noong nakaraang taong 2018. Kung sinu­werte ka at maraming magagandang pang­ya­yari ang naganap sa iyo, umasa kang ang su­werte at maga­gandang kapala­ran ay do­doble.

Kung ikaw ay Daga na isi­nilang noong 1936 at 1996, hindi gaaanong mabiyaya ang iyong mararanasan, pero hin­di rin ito malas. Ibig sa­bihin, “moderate lang” at dahil “katam­taman lang”, nasa sarili mo pa ring pagsisikap ang iyong tagumpay. Kapag sinusuwerte ka, kum­baga sa sugal, lakihan mo ang taya mo dahil maaaring mag­tuluy-tuloy ang iyong mga su­wer­te, pero kapag natalo ka, ibig sa­bihin, tumigil ka na.

Kung ikaw naman ay Daga na isinilang noong 1948 at 2008, may mga maligayang pag­lalakbay na itatala sa iyo. Maraming oportunidad ng pagkakaki­taan ang mabu­buksan at kusang aangat ang iyong kabuhayan, kaya wala kang dapat gawin kundi sumabay sa agos ng iyong kapalaran.

Kung ikaw ay Daga na isinilang noong 1960, ‘yung pagkalugi mo noong na­karaang taon ay ba­baligtarin ng la­ngit, tutubo ka ng malaking halaga ngayong 2019. Dagdag pa rito, madagdagan ang miyembro ng inyong pamilya.

Kung ikaw Daga na isinilang noong 1972, ma­raming pagbabago sa iyong bu­hay na hindi mo mauunawaan, pero huwag kang mabahala dahil ang lahat ng pagbabago ay para sa ikagaganda ng iyong kapalaran.

(Itutuloy)