74-anyos dedo sa motor

PATAY ang 74-anyos na lola makaraang mabangga ng motorsiklo habang tumatawid sa Parañaque City.

Binawian ng buhay habang ginagamot sa Parañaque Doctors Hospital si Melagros Centino, ng Santa Ana Drive, Bgy. Sun Valley.

Sugatan naman ang rider na si Mico Salcedo, 21, at angkas nitong kaanak na si Agnes Salcedo, 50.

Sa imbestigasyon ng Parañaque City Traffic Bureau, nangyari ang insidente sa Santa Ana Drive ng nabanggit na barangay alas-7:05 ng gabi.

Binabaybay ng motor ang lugar nang tumawid ang biktima at nabangga.

Tumilapon ito ng ilang metro ang layo at nahulog din ang mga sakay ng motor.