Malinaw ayon sa birthday... LALAKING NAKATAKDANG SUWERTEHIN SA IBANG BANSA

Maestro Honorio Ong

Dear Maestro,

Matagal na akong nag-a-apply ng trabaho, pero hanggang ngayon ay bokya pa rin ako.

Sa totoo lang, naka­pagtrabaho na ako, kaya lang ang problema, wala pang tatlong buwan ay nag-resign ako, bukod kasi sa walang benefits ay sobrang liit pa ng su­weldo ko.

Bakit kaya hindi ako nare-regular sa trabaho? Nalulungkot ako ngayon dahil ‘yung mga kaibigan ko ay may mga regular ng trabaho, pero ako ay wala pa rin.

Sana ngayong 2019 ay gumanda na ang kapa­la­ran ko lalo na kung tutu­lungan at gagabayan ninyo ako.

September 5, 1989 ang birthday ko.

Umaasa,

John Paulo ng Guadalupe Nuevo, Makati City

Dear John Paulo,

Ayon sa birth date mong 5 sa destiny number na nagkataong 5 rin (9+5+ 1989=2003/20+03 =20+03=23) sa zodiac sign na Virgo, ikaw ay nagta­taglay ng pure “five per­sonality”, nangyari ito dahil ang ruling planet ng Virgo ay Mercury na nag­tataglay din ng numerong five (5).

Ibig sabihin, tatlong numerong singko ang nag­sama-sama sa iyong tad­hana nu’ng ikaw ay isilang at ang numerong singko ay pinangingibabawan ng Mercury at dahil may pak­pak sa kanyang mga paa ang Mercury at siya rin ang “Roman God of fi­nancial gain and commu­nication” at siya rin ang mensahero ng iba pang mga Diyos, ibig sabihin, mas mabilis kang susu­wertehin, hindi rito sa ating bansa kundi sa pakiki­pag­sapalaran sa ibayong-da­gat o sa pag-a-abroad.

Kaya isipin mo, kaya pala wala sa local com­panies ang iyong suwerte ay maaaring sa ibayong-dagat nga ito.

Ito ang dahilan kung bakit kahit magkaroon ka pa ng trabaho rito sa ‘Pinas ay hindi ka nagtatagal at napapakali dahil tulad ng nasabi na, nasa abroad ang maganda at bonggang-bongga mong kapalaran.

Ibig sabihin, hindi mo dapat sayangin ang iyong panahon at enerhiya sa pag-a-apply ng trabaho dito sa ating bansa, sa ha­lip, mas makabubuti sa iyong career na sa ibang bansa ka na kaagad mag-apply at maghanap ng pag­kakakitaan.

Sa ganyang paraan, ayon sa iyong Travel Ca­lendar, hindi pa huli ang lahat, kapag nag-apply ka sa abroad ngayong 2019, sa edad mong 29, may isang mabunga at ma­biyayang pangingibang-bansa ang magaganap sa iyong karanasan na siya ring magiging simula upang tuluy-tuloy ng uma­ngat ang iyong career hang­gang sa tuluyan nang umunlad nang umunlad ang inyong ka­buhayan at sa bandang huli, tulad ng nakatakda sa mga taong singko, ang pag­yaman sa pama­ma­gitan din ng negosyo ay magaganap sa taong 2039, sa edad mong 50 pataas.