Gustong humingi ng P2 milyong danyos dahil isinisisi sa aksidente na ikinasira ng kanyang mukha ang

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Dahil sa aksidenteng naranasan ko noong isang taon, nagkaroon ako ng deformity sa aking mukha. Sa palagay ko, ito ang naging dahilan ng pakikipaghiwalay sa akin ng BF ko.

Maaari ko bang singilin ng P 2,000,000 bilang danyos ang nakabangga sa akin dahil kung hindi niya ako nabangga, hindi kami maghihiwalay ng BF ko? — Margarita

Dear Margarita,

Para sa inyong kaalaman, kahalintulad ng inyong sitwasyon ang kasong Eustaqio Mayo vs. People of the Philippines (G.R. No. 91201, 5 December 1991, Ponente: Honorable former Associate Justice Hugo Gutierrez, Jr.) kung saan sinabi ng Korte Suprema na:

“[W]e find no justification to award moral damages in favor of the victim for the loss of her boyfriend. No doubt, the loss of her boyfriend after the accident added to her mental and emotional sufferings and psychologically affected and disturbed her. However, there is no clear evidence on record to show that her boyfriend left her after the accident due to her physical injuries. He may have left her even if she did not suffer the slightest injury. The reasons for the break-up of a courtship are too many and too complicated such that they should not form the basis of damages arising from a vehicular accident. Moreover, granting that her boyfriend left her due to her physical injuries, we still find no legal basis for the award of moral damages in favor of the complainant because of the loss of a boyfriend. Article 2719 of the New Civil Code quoted earlier enumerates cases wherein moral damages may be granted. Loss of a boyfriend as a result of physical injuries suffered after an accident is not one of them. Neither can it be categorized as an analogous case.” (Binigyang-diin)

Samakatwid, sinabi ng hukuman na iba-iba ang maaaring maging sanhi ng paghihiwalay ng mga magkasintahan. Hindi sapat na dahilan ang pagbabagong-pisikal ng tao kaya nawawala na ang kanilang pagmamahalan. Sariling desisyon ng bawat tao ang pakikipaghiwalay at hindi maaaring magbigay ng danyos kaugnay nito.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.