Dapat daw ay hindi ka padaskul-daskol para dehins ka malugi at mabigo... KAPALARAN NG DAGA SA CAREER

Maestro Honorio Ong

SINASABING malalaki at maraming mga pagbabagong magaganap sa buhay ng Daga, ngayong 2019 habang papa­lapit ang Year of the Rat sa susunod na taong 2020.

Ang mga pagbabagong ito ay magbubunga ng pag-unlad sa larangan ng career, ne­gosyo at pagkakakitaan. Ga­­yunman, kahit ano ang ma­ging pagbabago, pi­na­aala­lahanan ang Daga na hindi dapat mag­madali o magpadaskul-das­kol sa pagkilos dahil may ba­bala na sa sandaling nagma­dali ng desisyon o pagpa­pasya ang Daga at hindi nag-ingat, mala­king halaga ng salapi ang agad-agad na ma­wawala sa kanila.

Kaya ngayong 2019, hu­wag kayong agad-agad magla­labas ng malaking halaga ng salapi o mag-i-invest nang ma­laki sa iba’t ibang uri ng paki­kipagsapalaran, sa halip, pag-isipan muna ninyong mabuti kung dapat ba ninyong bitiwan ang pera sa inyong negosyo o venture kahit hindi ninyo ka­bisado ang transaksiyon na inyong papasukan.

Ang pinakaepektibong por­mulang dapat ipatupad ng Daga ngayong taon higit lalo sa ca­reer, negosyo at mga as­petong pagkakaperahan ay ang dis­karteng “slowly but surely”. Nangangahulugang hindi baleng maliit lang ang tubo, pero sigurado naman ang balik ng pera, sa halip na hangarin ang bultu-bulto o ma­lakihang tubo, eh, du’n na lang muna sa maliit para hin­di ka­agad ma­lugi.

Gayundin sa pa­kiki­pag­re­lasyon, hindi ka da­pat mag­madali dahil kapag mi­nadali mo ang pag-ibig, madali rin itong mawawala at magla­laho. Hayaan mong kusang mahi­nog ang inyong pagkaka­ibi­gan hanggang sa unti-un­ti itong mauwi sa tunay at wagas na pagmamahalan.

Sa ganyang paraan, sa la­ra­ngan ng pag-ibig at pakiki­pagrelasyon, ngayong 2019 ay aani ka ng tagumpay at ha­bambuhay na kaligayahan.

Dagdag pa rito, hindi lang sa career, negosyo o materyal na bagay may magaganap na pagbabago sa buhay ng mga Daga, kumbaga, may mga pag­babago ring itatala sa kanilang pananaw sa buhay at malalim na damdamin.

‘Yung Daga na medyo negatibo at takot kumilos noong nakaraang 2018 ay ma­giging malakas ang loob at magkakaroon ng positibong pananaw sa buhay.

Samantala, tulad ng paalala sa itaas, kahit na sobrang po­sitibo ang mga pangyayaring nakikita mo sa iyong harapan, muli mong tandaan na hindi ka pa rin dapat magmadali da­hil sa pagmamadali ay baka malugi ka, pero sa dahan-da­hang diskarte, sigura­dong wa­lang duda, mala­king sa­lapi ang kikitain mo nga­yong taong 2019 na mag­hahatid ng pani­bagong ta­gumpay at saya sa iyong bu­ong pa­milya.

Inaasahan ding nga­yong taon, ang Daga ay mag-iipon ng maraming ener­hiya at re­sources upang maabot ang ma­­tagal na niyang mga ambis­yon at mga binabalak sa bu­hay.

Kaya kung ikaw ay Daga at may pinapangarap at inaam­bisyon sa buhay, ngayong taon ang para sa iyo upang matu­pad mo ang iyong ambisyon kung saan walang duda, bago matapos ang taon, malaking pag-unlad at tagumpay ang iyong aanihin at hindi lamang ikaw ang magiging maligaya kundi maging ang iyong mga kaibigan at mahal sa buhay.

(Itutuloy)