Malinaw ayon sa palad... DOMESTIC HELPER NA NAKATAKDANG MAKAKILALA NG AMONG MABAIT

Maestro Honorio Ong

KATANUNGAN

1. Nag-a-apply ako ngayon sa abroad bilang domestic helper, pero nag­dadalawang-isip ako kung tutuloy ako o hindi dahil ang sabi sa akin ng agency ko ay Arabo raw ‘yung magiging emplo­yer ko.

2. Dahil dito ay nata­takot at nag-aalala ako.

3. Sa tingin ninyo, ma­ganda ba ang magi­ging kapalaran ko sa pa­ngingibang-bansa?

KASAGUTAN

1. Alam mo, Ms. Libra, ‘yung kapahamakan lalo na sa career at pagtatra­baho sa ibayong-dagat, nakikita ‘yan sa guhit ng mga palad. Kung wala na­man ito sa kaliwa at kanan mong palad, wala kang dapat ikatakot.

2. Pansining maganda at okay sa alright ang Fate Line o ang Career Line (Dra­wing A. at B. F-F ar­row a.) sa kaliwa at kanan mong palad. Ibig sabihin, sa iyong pagtatrabaho, anu­man ang pinagkaka­aba­­lahan mo, sigurado, “very smooth sailing” ang magiging biyahe ng iyong barko. Ibig sabihin, wa­lang magiging problema sa iyong career at trabaho kahit saang panig ka pa ng mundo mapadpad.

3. Dagdag pa rito, ka­pansin-pansin din ang ma­linaw, malawak at ma­gan­dang Travel Line (Dra­wing A. at B. t-t arrow b.) sa kaliwa at kanan mong palad. Tanda na kahit na Chinese, Greek, Palestino, Israelita o Arabo pa ang magiging employer mo ay sigurado na ang magaga­nap, magkakaroon ka ng isang mabunga at mabi­yayang pangingibang-bansa na madali namang kinumpirma at pinatuna­yan ng hindi nababoy mong lagda.

Sa halip, ang suwa­beng-suwabe at ma­gan­da mong signature ang nagsasabing sa paki­ki­pagsapalaran sa iba­yong-dagat, tulad ng na­ipaliwanag na, kahit anong nasyon ang maging em­ployer mo, walang duda, tiyak na papalarin at su­suwertehin ka.

MGA DAPAT GAWIN

1. Kung hindi ninyo naitatanong, isa sa mga hilig kong panoorin na palabas ay ‘yung may tema o kaugnayan sa World War II.

2. Ibig sabihin, kapag nanood kang mabuti ng mga palabas tungkol sa giyera, kahit na ‘yung do­cumentaries o hango sa totoong buhay at pang­yayayari, iisa lang ang mabubuong kongklus­yon sa iyong isipan: “ka­pag pala giyera na ang usapan at ikaw ay sun­dalo lalo pa at nasa front­line ka, napakasuwerte mo kung makauuwi ka pa ng buhay.”

3. Ano naman ang ka­ugnayan ng ku­wento kong ito sa kapalaran ng tao, partikular sa mga kababayan nating nakikipagsapalaran sa abroad?

4. Simple lang, tulad ng sundalo na sumusuong sa la­banan, kahit anong iwas niya sa bala at ma­chine gun, kung talagang oras mo na, patay ka!

5. Samantala, kung hindi mo pa naman oras para malasin, kahit sumu­god ka nang sumugod ha­bang binabaril ka ng mga kalaban, parang ma­gic, hindi ka mamamatay dahil hindi mo pa oras upang malagutan ng hininga.

6. Gayundin, ang ka­palaran ng tao kung saan may panahon ng kamala­san at kasuwertehan.

7. Kapag dumating ang kapalaran mo, ang panahon ng kasuwerte­han kahit na sino pa ang amo mo sa abroad, sigu­radong susuwertehin ka at magkakaroon ng ma­buti at magandang kapa­laran dahil ‘yun ang iti­nak­da para sa iyo.

8. Habang, ayon sa iyong mga datos, Ms. Libra, dahil hindi ngayon ang panahon upang ma­lasin ka, sa halip, ang pa­nahon mo ngayon ay upang suwertehin, tiyak ang magaganap sa iyong pangingibang-bansa, ka­hit sabihin pa na Arabo ang iyong magiging amo, walang duda, magkaka­roon ka pa rin ng masa­gana at mabungang pa­ngingibang-bansa na na­katakdang mangyari nga­yong 2019, sa buwan ng Setyembre, sa edad mong 33 pataas.