Fetus na nakalublob sa balde hanggang sa namatay

Socrates Magnus

Salaminin natin ang pa­naginip ni Mel ng Mi­caela _Miel_Diaz@facebook. com

Dear Professor,

Ako si Mel, 29 yrs old, isa ako sa mga masusu­gid nin­yong tagasubaybay mula pa lang noong ako ay nasa ele­mentarya.

Paborito kong bina­­basa ang ko­lum ninyo sa BULGAR at nakatutuwa kung masasa­got ninyo ang mga katanu­ngan ko tung­kol sa aking mga panagi­nip.

Nanaginip ako ng fetus na nakalublob sa balde na may lamang tubig, hindi ko alam kung kaninong anak ‘yun?

May nakakabit pang pusod sa baby at unti-unti itong nawawalan ng hini­nga sa harap ko habang ako ay sigaw nang sigaw sa mga tao na tumawag sila ng ambulansiya kasi nakita kong may buhay pa ‘yung bata.

Naaawa ako na ma­ma­matay lang siya sa ganu’ng kalagayan, gusto kong ma­isalba ang baby, pero wa­lang tumutulong sa kanya, hindi ko rin magawang tulungan ‘yung baby dahil sa mga sandaling ‘yun ay hindi ko alam ang gagawin ko.

Iyak lang ako nang iyak habang nakikita kong unti-unting nag-iiba ang kulay ng baby hanggang sa mala­gutan siya ng hininga.

Ano ang ibig sabihin nito?

Salamat!

Naghihintay,

Mel

Sa iyo Mel,

Masama ang pangitain na gustong ipaabot sa iyo ng pana­ginip mo dahil ang fe­tus sa balde ay sinasabing nag­karoon ng abortion o pag­­­pa­palaglag ng sanggol.

Alam mo, may pagka­kataon na nalalaglag ang sanggol dahil sa kapaba­yaan ng ina, kumbaga, hindi niya iningatan ang baby niya.

Nalaglag man ito nang kusa o sinadya, ang pana­ginip ay nag­sasabing hindi ka dapat tumulad sa dala­wang posibleng dahilan ng pagkamatay ng baby na nasa sinapupunan.

Pero, bakit kaya ito ang men­sahe sa iyo ng panaginip mo? Ito ay dahil ayaw ng pa­naginip na mangyari sa buhay mo ang tinatawag na “wisdom of the fool” kung saan ang ba­bae at lalaki rin ay ayaw munang magka­anak dahil ang kanilang prayoridad sa buhay ay ang umasenso at magkaroon ng successful life.

Ang pakikipagrelasyon nila ay nakatuon sa pagpa­payaman at dahil simple lang ang susi ng tagumpay, siya ay umangat nang uma­ngat hanggang sa siya ay yumaman. Pero, mara­ming taon ang nauubos bago ma­sa­bing ang tao ay ganap ng maya­man.

Kaya nang du­ma­­ting ang punto na na-rea­lized niya na wala palang tunay na ligaya sa mga ma­teryal na bagay.

Siya ay nag-asawa at gusto niyang magkaroon ng anak dahil naisip niya na ang tunay na nagbibigay ng ga­nap na ligaya sa babae ay ang pagiging ina.

Kaya sinabi niya sa kan­­yang sarili, “what a foolish I was?” Mauubos na ang pag­kakataon na siya ay puwede pang ma­buntis. Nagsisi siya dahil sa abortion na paulit-ulit niyang ginawa noong mga pa­nahong ang pinili niya ay career at hindi ang love life.

Hindi dapat mangyari sa buhay mo ang “wisdom of the fool”. Kaya kung ma­bi­bigyan ka ng pagkakata­ong mabuntis, ingatan mo ang baby sa iyong sinapupu­nan. Mahalin mo siya, higit sa anumang bagay sa mun­do dahil “being a mother is the true meaning of woman­hood”.

Hanggang sa muli,

Professor Seigusmundo del Mundo