Mga TRAPO (tradisyunal na pulitiko), oks lang na buwagin ayon sa pangulo
ILANG beses nang sinabi ni Pangulong Rodrigo Duterte na malaya ang militar na patalsikin siya kung hindi na sila kuntento sa kanyang pamumuno.
Kaya sa naganap na oath-taking para sa mga bagong talagang opisyal ng gobyerno, sinabihan ni P-Duterte ang mga sundalo na sa susunod na mag-aaklas ang mga ito ay huwag nilang hahayaang mapunta ang gobyerno sa kamay ng mga tradisyunal na pulitiko kung saan imbes na ang mga ito ang magpapatakbo sa pamahalaan, eh, ‘yung “youth leaders” na lang dapat.
Dagdag pa nito, hanapin ang mauutak na bata at ihulog ang lahat ng politicians, kabilang mismo ang pangulo.
Gayunman, kung kakayahan ang pagbabasehan kahit ang mga batang lider ay kaya na itong gampanan, ‘yun nga lang, wala talaga ito sa kakayahan kundi nasa displina at pagiging responsableng opisyal.
Kaya ang panawagan natin sa mga bagong halal, sana, magampanan ninyo nang maayos ang inyong mga tungkulin sa pamahalaan at huwag na kayong dumagdag pa sa mga namumunong pasaway.
‘Ika nga ni P-Digong, sana, malagpasan ninyo ang mga pagsubok na maaari ninyong pagdaanan!
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments