MARCIAL, NAKA-GOLD SA CZECH BOXING

MULING ipinakita ni Eumer Felix Marcial ang kanyang ipinagmamalaking international ring credential nang manalo ng ginto sa Czech Republic Invitational Boxing competition na ginawa sa capital city Prague na tinampukan ng mga bigating boxers mula sa mahigit 10 mga bansa na karamihan ay sa Europa.

Sa masusing gabay ni coach Ronald Chavez, tinalo ng Pinoy ringster ang mga kalaban sa pamamagitan ng superior boxing skill at footwork. “Pinaghandaan ko ito. Nag-ensayo ko nang husto dahil hghly competitive ang boxing tournament at gusto kong manalo at mabigyang kara­ngalang muli ang bansa,” sabi ni Marcial.Si Marcial ay veteran ng maraming international boxing competitions kasama ang World Boxing at torneo na ginawa sa Cuba at consistent medalist sa Southeast Asian Games.

Ayon kay Chavez mataas ang morale at in fighting form si Marcial, matapang na hinarap anga kalaban. “Deserving siyang manalo at pinaghandaan nang husto alam niya malakas ang mga kalaban. Mahaba yung biyahe namin at ayaw niyang mabigo,” sabi ni Chavez na dating national boxer.