LGU official niratrat sa bahay, dedo

PINAGBABARIL hanggang sa mapatay ng hindi pa nakikilalang salarin ang opisyal ng Local Government Unit makaraang pasukin ito sa kanyang bahay sa Cotabato, kamakalawa ng gabi.

Dead-on-arrival sa ospital si Robert Herbilla, 43, sekretaryo ng Sangguniang Bayan sa President Roxas, North Cotabato.

Ayon kay Police Supt. Bernard Tayong, alas-8:45 ng gabi ng Martes nang pasukin ng dalawang lalaki ang bahay ni Herbilla at pinagbabaril ito bago tumakas sakay ng motorsiklo

Bago pa ang pagpatay kay Herbilla, una na itong inaresto dahil sa nakuhang ilang pakete ng shabu nang isagawa ang pagsalakay sa kanyang bahay subalit, napalaya matapos maglagak ng piyansa.

Giit ni Herbilla na ‘planted’ lamang umano ang nakuhang droga sa kanyang bahay ng raiding team at hindi siya nasasangkot sa illegal drug trade sa kanilang bayan.