Bangkay lumutang sa dagat
Pabs Hernandez III
Feb 7, 2019
1 min read
NORTHERN SAMAR—Isang bangkay ng hindi kilalang lalaki ang natagpuang nakalutang, kamakalawa sa karagatang sakop ng Bgy. Bangkaway, Lavezares, sa lalawigang ito.
Ang biktima ay tinatayang nasa edad 50 pataas at nakasuot ng puting t-shirt.
Nabatid na ilang mangingisda ang nakatagpo sa nakalutang na bangkay ng biktima sa nasabing lugar.
Patuloy ang imbestigasyon ng pulisya para mabatid kung may naganap na foul play sa pagkamatay ng biktima o namatay lang ito sa lunod.
Comments