Para madala | P1,000 MULTA SA TSISMOSO’T TSISMOSA
IPINAGBABAWAL na ang pagtsitsismis at lantarang pagsasampay ng mga damit-panloob sa ilang barangay sa Baguio City.
Sa Upper Rock Quarry, nagpasa ng ordinansa ang barangay para ipagbawal ang paninira sa kapwa o pagkakalat ng tsismis.
Sa isang panayam kay Joey David, punong barangay, karamihan sa iniaakyat na reklamo ay tsismis kaya naisip nang gawing ordinansa.
Para kay Arci Cudlong, head ng social services committee ng barangay, tsismis ang dahilan sa pag-aaway ng mga kapitbahay sa kanilang lugar.
Kaugnay nito, multang P300 hanggang P1,000 ang maaaring kaharapin ng mapatutunayang lumabag sa ordinansa. Ipatutupad ito sa Pebrero 16.
Samantala, bawal naman sa Bgy. Holy Ghost Proper ang lantarang pagsampay ng brief o panty.
Nakakahiya umano kapag may mga dumaraan. Pagmumultahin naman ng P300 ang lalabag sa ordinansa. (BRT)
Comments