BEERMEN, SOSOLO 3RD BA? ELITE AT ROS, KAKALASAN

PUNTIRYA ng defending PBA Philippine Cup champion San Miguel Beer ang solo third at kumalas sa 3-2 logjam sa ROS E-Painters kontra Blackwater Elite habang ang giant killer ng Beermen conqueror na Columbian Dyip ay target ang pa­ngatlong panalo sa limang laro vs. Alaska Aces ngayon sa muling pag­babalik sa Mall of Asia Arena.

Sasagupain ng Beermen ang Elite sa main game ng 7 p.m. matapos ang salpukan ng Car Makers at Aces ng 4:30 p.m. Walang duda na pinapabo­ran ang SMB kontra Elite dahil lamang sa billing man-for-man habang ang twin towers na sina five-time MVP June Mar Fajardo at Filipino-German Christian Stand­hardinger ay katuwang sina Yancy de Ocampo at ang bato-bato na dating North Port Batang Pier na si Kelly Nabong na undisputed sa low post.

Ang presensiya nina Fajardo at Standhardi­nger ay tiyak magbibigay ng sakit sa ulo ni coach Bong Ramos kung pa­ano ma-neutralize ang dala­wang higante na maka-penetrate sa shaded area ang kan­yang bataan.

Sa kabila nang la­mang sa tao ay hindi pa rin kumpiyansa si coach Leo Austria at ayaw niyang maulit ang kahi­hiyan nilasap sa mga kamay ng whipping team na Dyip.

“I do not want to take chances and suffer anther embarrassment. I reminded my players to stay focus and keep their relentless assault on fire throughout to ensure victory,” sabi ni Austria na target ang 5th title mula 2015.