NAZARETH, DINALE ANG UPIS SA UAAP JUNIORS BASKETBALL

GALING sa isang la­rong suspensiyon, nagbawi sa kanyang pagbalik si Terrence Fortea kahapon ng pangunahan nito ang Na­zareth School of National University sa 106-55 na pag­gapi sa University of the Phi­lippines-Integrated School kahapon sa pagpapatuloy ng UAAP Season 81 Juniors Basketball Tournament sa Filoil Flying V Center.

Umiskor si Fortea na na­patawan ng one-game sus­pension dahil sa kanyang dis­qualifying foul kay Ranz Unisa ng De La Salle Zobel ng 23 puntos sa loob lamang ng 16 na minuto na kanyang inilaro kontra Junior Ma­roons.

Bumato si Fortea ng 6 sa kabuuang 11 triples ng kani­lang koponan upang tulu­ngan itong itaas sa top spot taglay ang 12-1panalo-ta­long baraha.

Kahit nakatitiyak na sa top spot, paghahandaan pa rin nila ayon kay coach Gold­win Monteverde ang huling laro sa eliminations kontra FEU-Diliman. “We still have to be ready for the semis. After ng dalawang rounds, mas importante pa rin yung latter part of the season.” Para sa Junior Ma­roons na nalaglag sa kaba­ligtarang markang 1-12, na­nguna ang graduating na si King Ver­geire na may 16 puntos.

Sa iba pang laro, nagsa­nib-puwersa sina Mark Nonoy at Bismarck Lina upang pamunuan ang UST katulong ang mga endgame heroes na sina Liam Mana­bat at Jomar Amador sa pag­sorpresa nila sa FEU-Dili­man, 86-83.

Tumapos si Nonoy na may 24 puntos, 10 re­bounds, 6 as­sists, 3 steals, at 2 blocks habang naitala ni Lina ang pinakamatinding perfor­mance ngayong season sa ipinoste nitong 22-puntos at 18 rebounds upang iangat sa markang 6-7 ang out of con­tention ng Tiger Cubs.

Tabla ang iskor sa 83-all may 19 na segundo na la­mang natitira sa laban nang mag drive si Nonoy at ipi­nasa ang bola kay Manabat na ibinigay ang bola kay Amador na kumana ng open baseline jumper para sa 85-83 kalamangan ng Tiger Cubs.

Tumawag ng timeout ang Baby Tamaraws upang mag set ng play para kay Royce Alforque na natapik naman ni Manabat. (VA)