Lalaki dedo sa motor

ISANG estudyante ang nasawi makaraang sumalpok ang kanyang motorsiklo sa isa ring motor, kamakalawa ng madaling-araw sa Bgy. Aqdao, San Carlos City, Pangasinan.

Kinilala ang nasawi na si Carlo de Vera, 19, binata, naninirahan sa nabanggit na lugar. Ang drayber ng kasalubong na motorsiklo ay nakilalang si Angelo Colguera, nasa malubhang kalagayan na ginagamot ngayon sa ospital.

Ayon sa nakalap na imbestigasyon, ala-1:00 ng madaling-araw, minamaneho ng biktima ang kanyang motorsiklo patungong bayan nang sumalpok ito sa kasalubong ding motor.

Sa lakas ng salpukan, kapwa sila tumalipon na sanhi ng pagkamatay ni De Vera.

Nabatid na tuwing nakakainom ang biktima ay kinaugalian na nitong nagpapaalam sa magulang na kakain ng lugaw sa bayan.