1 todas, 1 sugatan sa pamamaril

LA UNION—Isang lalaki ang namatay at isa pa ang sugatan nang barilin sila ng kanilang kainuman, kamakalawa sa Bgy. Camiling, Balaonan sa lalawigang ito.

Ang nasawing biktima ay si Joemar Opetina, samantalang, ang sugatan ay si Jeston Sudiacal, kapwa residente sa nasabing lugar.

Ayon sa ulat, habang nag-iinuman ay nagkaroon ng pagtatalo si Opetina at ang suspek na si Reggie Mendoza na naging dahilan para barilin nito ang biktima at pagkaraan ay binaril din si Sudiacal.

Kapwa dinala sa ospital ang dalawang biktima, pero idineklarang dead-on-arrival si Opetina, samantalang, pinaghahanap na ng pulisya ang suspek.