Senatoriables na pasok sa surveys, may bilyong campaign fund, period!
SUNUD-SUNOD na ang lumalabas na resulta ng senatoriables survey.
Lahat ng nasa Top 12 ay may “bilyong campaign fund”!
◘◘◘
MAY kutob tayo na umatras si Atty. Harry Roque, Jr. bilang kandidato hindi dahil may “sakit” siya sa puso.
Mas angkop na katwiran ay “may sakit” ang kanyang bulsa!
◘◘◘
HINDI masamang aminin na umatras dahil walang pera ang kandidato.
‘Yan ay pagpapakatotoo lamang!
◘◘◘
KAPAG inamin ‘yan ni Atty. Roque sa susunod na pagkandidato niya ay mananalo na siya.
Siya ay magiging ikalawang “’Rene Saguisag”.
Sagisag siya ng “nagdarahop”, pero puwedeng maging senador!
◘◘◘
WALANG “Rene Saguisag” noon sa Top 12 senatoriables.
Nagpapaalala ito na “hindi nagbabago” ang politika sa Pilipinas!
◘◘◘
MAY kani-kanyang “source of fund” ang nasa Top 12.
Kung anong “source of fund”, ‘yan ang paglaruan natin sa social media!
He-he-he!
◘◘◘
KUNG binomba ang Mindanao sa plebisito ng Bangsamoro Organic Law, hindi kaya may manggulo rin sa eleksiyon sa Mayo?
Dapat tayong mag-ingat!
◘◘◘
HINDI raw suicide bombing ang pagbomba sa katedral sa Sulu.
Baka ‘yung suspek ay pinag-”suicide” ng mga mastermind?
◘◘◘
PAGTITIBAYIN na raw ang 2019 National Budget.
Baka maaprubahan ‘yan sa 2020?
◘◘◘
ITATAAS ang presyo ng LPG.
Nanangkupooo!
◘◘◘
MAGKAIBA ang impormasyon ng DILG, DND at AFP sa suicide bombing sa Jolo, Sulu.
Bakit?
Comments