Kandidatong alkalde tiklo sa mga baril at pagtatago ng kriminal
- Levi Gonzales
- Feb 3, 2019
- 1 min read
MAHAHARAP sa patung-patong na reklamo ang tumatakbong alkalde sa Batangas matapos mahulihan ng iba’t ibang klase ng baril at pagtatago ng kriminal sa Bagong Sikat, Lemery, Batangas.
Alas-10:20 ng gabi nang salakayin ang pinagtataguan ng No. 2 Most Wanted ng Calabarzon na akusadong si Miko Michael Caguitla, 26, walang asawa, ng Bgy. Masalukot 1, Candelaria, Quezon sa kasong pagpatay.
Naaresto rin ang ibang suspek na sina Vicente Andal, 53; Exequiel Caringal, Jr., 59, at Lester Sagun, 40, tumatakbong alkalde sa San Nicolas, Batangas at panibagong kaso naman sa pagtatago ng kriminal.
Narekober sa kanila ang iba’t ibang klase ng matataas na kalibre ng baril at mga bala.
Comments