Tatay bumili ng pagkain, bahay ikinandado | ANAK NA 6 At 8 NALITSON SA KANDILA

DALAWA sa tatlong magkakapatid na na-trap sa nasusunog nilang bahay ang nasawi habang kritikal ang isa pa at su­ga­tan naman ang dalawang tumulong sa pag-apula ng apoy sa Caloocan City, kahapon ng madaling-araw.

Binawian ng buhay ha­bang ginagamot sa MCU Hos­pital sanhi ng mga tina­mong sunog sa katawain sina Cedric James Baleros, 8, at Cloe Kate, 6, habang kritikal naman ang kanilang bun­song kapatid na si Alexandra, 4, sa East Avenue Medical Center sa Quezon City.

Kinilala naman ang da­lawang nasugatan na sina Jaymart Jeresano, 16, at Eloisa Enzo, 21, na kapwa nagtamo ng mga pinsala sa kanilang tuhod at siko.

Ayon kay FO1 Cristina Jarabelo, alas-12:30 ng ha­tinggabi nang sumiklab ang apoy sa second floor ng ba­hay ng mga biktima sa Bgy. 155, Bagong Barrio.

Ayon kay Barangay Chair­man Bryan Pascual, walang kuryente ang bahay ng Pa­milya Baleros at gumagamit lang ng kandila.

Sa pahayag ng saksing si Rosalie Bejeson, bago su­miklab ang sunog ay umalis ang ama ng mga biktima na si Richard Baleros at ikinan­dado nito ang bahay upang bumili ng pagkain.

Nagtulung-tulong naman ang mga kapitbahay ng mga biktima na mailabas sa nasu­sunog nilang bahay ang mag­kakapatid bago isinugod sa naturang ospital.

Umabot sa unang alar­ma ang sunog at tuluyang naapula alas-2:30 ng ma­daling-araw habang tinata­yang aabot sa P15,000 halaga ng ari-arian ang tinupok ng apoy.