Roque, atras sa pagka-senador dahil tablado kay P-Digong?! Hmmm...
LINGAP NG INC, UMARANGKADA NA RIN SA MGA OFW —Hindi lang pala sa Pilipinas kundi maging sa ibang bansa ay nagsasagawa na rin ng “Lingap sa Mamamayan” ang kapatiran ng Iglesia Ni Cristo (INC) sa pamamagitan ng pagbibigay ng “goodwill bags” na naglalaman ng pagkain at hygiene (kagamitang pangkalusugan) sa mga OFW na ayon kay INC General Auditor Glicerio Santos, ginagawa nila ito base sa kagustuhan ni INC Executive Minister Eduardo V. Manalo na makalinga rin ang mga Filipino worker sa China, Hong Kong, Thailand, Malaysia at Taiwan.
Kung lahat sana ng relihiyon ay tulad ng INC, eh, di sana, napapasaya at nakatutulong sila sa mga OFW na maibsan ang kalungkutan habang nagtatrabaho sa ibang bansa, period!
◘◘◘
AATRAS TALAGA SI ROQUE KASI HINDI SIYA BET NI P-DUTERTE—Ang idinahilan ni ex-Presidential Spokesman Harry Roque, Jr. sa kanyang pag-atras sa pagka-senador ay dahil sumasama raw ang kanyang kalusugan.
Siguro, kaya sumama ang health ni Roque ay dahil sa inis kasi ilang beses nang nangyari na nasa harapan na siya ni P-Duterte, pero hindi ikinakampanya ng pangulo ang kanyang kandidatura, boom!
◘◘◘
BAD ANG PAMUMULITIKA NG OMBUDSMAN KAY “BONG” REVILLA — Sa panahon ng eleksiyon, bad ang pamumolitika ng mga prosecutor ng Ombudsman kay ex-Sen. Ramon “Bong” Revilla, Jr.
Inabsuwelto ng Sandiganbayan si Revilla dahil base sa ebidensiya ay si Atty. Richard Cambe, dating chief of staff nito ang kinasabwat ni Janet Lim Napoles sa scam, tapos ang mga taga-Ombudsman, ang ex-senator pa ang inihihirit magbayad ng P124.5 milyon sa kinasangkutan daw nitong Pork Barrel Scam.
Dapat isalpak ng mga “dilawang” prosecutor ng Ombudsman sa kanilang kukote na ang sinumang akusado sa kaso kapag naabsuwelto ay wala nang pananagutan sa batas, period!
◘◘◘
JUETENG NI ‘REDEN’ AT MASIAO NI ‘WACKY’ SA CEBU —May pa-jueteng na rin daw si alyas Reden sa Cebu.
Dati, masiao lang ni “Wacky” ang namamayagpag sa jurisdiction ni Cebu PNP Director Sr. Supt. Manuel Abrugena, ngayon pati jueteng, pwe!
Comments