No show sa event sa Leyte | P-DUTERTE, MASAMA ANG PAKIRAMDAM

DAHIL umano sa hindi magandang pakiramdam kaya hindi nakapunta si Pa­ngulong Rodrigo Duterte sa kanyang event sa Palo, Ley­te ayon kay dating Spe­cial Assistant to the President Christopher ‘Bong’ Go.

Nakatakda sanang du­malo sa Barangay Summit on Peace and Order sa Palo, Leyte, alas-4:00 ng hapon.

Kaugnay nito, hindi na nag­bigay pa ng anumang de­talye si Go hinggil sa kon­dis­yon ng kalusugan ng pa­ngulo.

Samantala, iginiit naman ni Presidential Spokesman Salvador Panelo na hindi da­pat ipag-alala ang hindi pag­sipot ng Punong Eheku­tibo sa nasabing aktibidad.

Sa halip, dapat pa uma­nong purihin si Duterte dahil alam nito kung kailan niya ika­kansela ang kanyang bi­yahe at ipapahinga ang sarili kapag hindi maayos ang pa­kiramdam.

Matatandaang, bumisita sa Our Lady of Mt. Carmel Cathedral sa Jolo, Sulu si Duterte, dumalo rin ang pa­ngulo sa groundbreaking ceremony para sa bagong ospital sa Malabon City at kinalaunan ay nagtungo sa premiere night ng pelikula ni dating Philippine National Police Chief Ronald ‘Bato’ dela Rosa na ginanap sa isang kilalang mall sa Mandalu­yong City noong Martes.

Nagkaroon din ng priba­dong pagpupulong ang pa­ngulo kina Russian Ambas­sador to the Philippines Igor Khovaev at Israel Ambas­sa­dor to the Philippines Ra­fael Harpaz sa Malaca­ñang noong Huwebes.