Kaugnay ng pagpatay sa NDFP peace consultant | 2 PNP OFFICIALS, SIBAK

TULUYAN nang sini­bak sa puwesto ni Philippine National Police (PNP) Chief Director General Oscar Alba­yalde ang dalawang police officials na naka­talaga sa Nueva Vizcaya Region.

Ito ay may kaugna­yan sa nangyaring pag­likida kay National Democratic Front of the Philippines (NDFP) peace consultant na si Randy Felix Malayao.

Ayon kay PNP Spokesman Senior Supt. Bernard Banac, relieved sa puwesto ang direktor ng Nueva Viz­ca­ya Police Provincial Office na si Senior Supt. Jeremias Aglugub at ang chief of police ng Aritao na si Chief Insp. Geovanni Cejes.

Isa sa mga dahilan ng pagkakatanggal sa pu­westo ng dalawa ang pagkukulang sa pag-aasikaso at paghawak ng nakuhang mga ebiden­siya ng mga imbestiga­dor sa pinangyarihan ng krimen.

Ani Banac, inatasan na rin ng chief PNP si Police Regional Office 2 Director Chief Supt. Jose Mario Espino na manguna sa pagpili sa mga papalit sa dalawang nasibak na police officials.

Si Malayao ay pinag­babaril ng hinihinalang death squad ng New People's Army (NPA) habang natutulog ang una sa loob ng pampasa­herong bus sa Aritao, Nueva Vizcaya noong madaling- araw ng Mi­yer­kules.