4TH TITLE PAKAY NG LADY SPIKERS VS. EAGLES SA UAAP ’81 VOLLEY

SISIMULAN ng reig­ning women’s titlist De La Salle ang kanilang kam­panya sa UAAP Season 81 volleyball tournament sa pagsagupa sa kanilang archrival Ateneo de Ma­nila sa ikalawang araw ng torneo sa Pebrero 17 sa Mall of Asia Arena.

Ganap na 4 p.m. ang nasabing maagang tapa­tan ng Lady Spikers na naghahangad ng kanilang ika-4 na sunod na titulo at ng dating 2-time champion Lady Eagles.

Mauuna rito, sisimu­lan naman ng University of Santo Tomas ang pag­bangon mula sa hindi ma­gandang pagtatapos noong isang taon sa pagharap nila sa Adamson Univer­sity ganap na alas-2 ng hapon.

Hindi nakaabot ang Golden Tigresses sa Final Four noong 2018 maka­raang tumapos na may 4-10 panalo-talong marka.

Magsisimula naman ng kanilang kampanya ang Lady Falcons mata­pos mag-graduate ang isa sa kanilang ace hitter na si Jema Galanza.

Nakatakdang magsa­gupa sa opening day na gaganapin sa FilOil Fly­ing V Center sa San Juan ang University of the Phi­lippines at University of the East sa Pebrero 16 sa unang laro ng 2 p.m.

Magtutuos sa ikala­wang laban ang Season 80 runner-up Far Eastern University at nakaraang taong no.4 squad Natio­nal University. (VA)