11-anyos sex slave ng stepdad

ARESTADO ang isang Pakistani kaugnay sa kaso ng umano’y paulit-ulit nitong panggagahasa sa 11-anyos na anak ng kanyang kinakasama sa Bgy. Luzviminda 1, Dasmariñas, Cavite.

Kinilala ni Police Supt. Nerwin Ricohermoso ang suspek na si Zeeshan Tariq, 38, Pakistani natio­nal, busi­ness­man.

Sa panayam kay Col. Ricohermoso, isang police operation ang isinagawa nila matapos matanggap ang kopya ng warrant laban sa nasabing suspek.

Alas-6:30 ng gabi, bitbit ang kopya ng warrant of arrest na inisyu ni Judge Ni­ven Canlapan, acting presi­ding judge ng RTC Branch 90, Dasca, City Dasma­riñas, Cavite para sa kasong rape, nagtungo ang pulisya sa lu­gar kung saan nani­nirahan ang suspek at inaresto ito.

Sa pagsisiyasat ng pu­lisya, si Melody Relate, 43, ang tumayong complai­nant para sa kanyang pamangkin na 11-anyos at Grade 6 pupil, matapos magsum­bong sa kanya hinggil sa ilang ulit na panggagahasa ng suspek noong August 16, 2018 ng gabi at naulit noong August 20-26, 2018 ng gabi.