KATATAGAN NG FUELS, SUSUBUKIN NG ELITE, SINO MALAKAS, SMB O ROS?

GAANO katatag ang hawak ng undefeated Phoenix Fuel Masters sa liderato ay muling masusubukan kontra Blackwater Elite sa pangatlong pagbabalik ng PBA Philippine Cup ngayon sa Ynares Center sa Antipolo City.

Haharapin ng 3-0 Pulse Masters ang Elite sa first game ng 4:30 pm na susundan ng sagupaan ng defending champion San Miguel Beer at Rain or Shine ng 7 p.m.

Pipiliting talunin ng Fuel Masters ang Elite at mapanatili ang walang mantsang record upang mapigilan ang puntirya ng back-to-back win ng Elite matapos pulbusin ang Elasto Painters, 111-99 noong Miyerkules sa Cuneta Astrodome kung saan tinalo rin ng Bolts ang sister team Talk ‘N Text KaTropa, 88-77. “We have to win this game at all cost to preserve our clean record,” sabi ni Phoenix coach Louie Alas na target ang unang PBA crown at mapasama sa elite “class of champions.” “Blackwater is in high spirit and determined to follow up its win against RoS. We have to be physically and mentally prepared against them,” wika ni Alas.

Muling sasandal si Alas sa topgunners na sina dating Alaska Aces Calvin Abueva, Matthew Wright, Jason Perkins, Justine Chua, LA Revilla, JC Intal, Dough Kramer, at RJ Jazul kontra sa mga tropa nina Michael Vincent Digregorio, Abu Tratter, Rey Mark Belo, Allein Maliksi, Roi Sumang, Mike Cortez at dating UP Maroons rookie Paul Desiderio.

Pinaboran ang SMB kontra ROS na mababa ang morale matapos yumuko sa Elite kung saan umiskor si Fil-Am Michael Vincent DiGregorio na game high 27 points.

Pangungunahan ang opensiba ng SMB ng Big 5 na sina Alex Cabagnot, Marcio Lassiter, Chris Ross, Arwind Santos at five-time MVP June Mar Fajardo katuwang sina Christian Standhardinger, Paul Zamar, Billy Mamaril, Terrence Romeo at Kelly Nabong. Puntirya ng SMB ang pang-apat na sunod na panalo at papasok sa court dala ang 105-93 panalo kontra Bolts. Sasandal si RoS coach Caloy Garcia kina Maverick Ahanmisi, James Yap, Beau Belga, Ed Daquioag, Mark Anthony Borboran, Norbert Torres at rookie Jayvee Mocon.