Police patrol niratrat, 3 suspek utas
- Levi Gonzales
- Jan 30, 2019
- 1 min read
KAMATAYAN ang sinapit ng tatlong kalalakihan matapos pagbabarilin ang police patrol sa Batangas.
Alas-3:30 ng madaling-araw, habang nagpapatrulya ang sasakyan ng Balayan, Batangas-MPS nang pagbabarilin sila ng tatlong suspek na sina Roberto Apego, 52; Alexander Canonoy, 35, at Rafael Montes, 29.
Agad silang nagsitakas kung saan nagkaroon ng habulan. Pagsapit sa Bgy. Sinisian, West Lemery, habang nagsasagawa ng buy-bust operation ang kanilang kabaro nang makorner ang mga ito. Roon naman nagkaroon ng engkuwentro hanggang sa tuluyang duguang bumulagta ang tatlo.
Narekober sa kanila ang 3 baril, mga bala at dalawang motorsiklo.
Comments