Misis dinalaw sa ospital | OFW NA MISTER NIRATRAT, UTAS

ISANG mister na OFW ang pinagbabaril ng hindi pa nakikilalang lalaki kamakalawa ng gabi sa Bantay, Ilocos, Sur.

Kinilala ang nasawi na si Jose Perlas, negosyante, OFW, 47, may asawa at naninirahan sa nasabing lugar.

Alas-7:00 ng gabi, papauwi na ang biktima lulan ng kanyang sasakyan galing sa kanyang misis na dinalaw nito sa ospital.

Pagtapat nito sa mismong gate ng kanilang bahay nang biglang sumulpot ang naglalakad na armadong suspek saka siya pinagbabaril nang malapitan sa ulo.

Patuloy na inaalam ng mga awtoridad ang motibo sa pamamaslang habang tinutugis pa ang salarin.