Matapos magpa-orasyon | MISIS KINATAY, MISTER NAGSAKSAK

NASA kritikal na kondis­yon ang isang mister nang tangkain nitong mag-suicide matapos mapatay nito sa sak­sak ang kan­yang misis sa Pi­lar sa Bohol, Huwebes ng gabi.

Kinilala ang suspek na si Edgar Sumatra, 36, resi­dente ng Bgy. Cansungay.

Habang wala nang buhay na nakahandusay sa sahig ng kanilang bahay ang 35-anyos na misis nitong si Milagros.

Sa pahayag ng isa sa mga anak kay SPO1 Ana­nias Mi­lar, gustong umalis ng bahay ng kanilang ama para mag­pahilot subalit, hindi ito pina­yagan ng ina.

Nagalit at nagwala ang suspek na mabilis kumuha ng kutsilyo sa kanilang ku­sina saka inundayan ng sak­sak ang biktima.

Matapos ang isinaga­wang krimen, lumabas ng ba­hay ang suspek at nagtungo sa puno ng acacia para mag-suicide sa pamamagitan ng pagsaksak nito sa sarili na napigilan ng ilang kapitba­hay.

Dinala ang suspek sa Cong. Simeon G. Toribio Memorial Hospital dahil sa halos lumuwa ang bi­tuka sa tangkang suicide.

Sa follow-up investiga­tion, nagsimula ang kakaiba at bayolenteng ikinikilos ni Edgar mula nang sumaila­lim sa isang orasyon mula sa ma­tandang babae na kaibigan umano nito.

Samantala, hindi umano ligtas ang suspek sa kina­ha­harap nitong mga kaso ka­ug­nay sa ginawang bru­tal na pag­paslang sa kanyang asawa.